RITA SOM I EIN DRAUM (RIT) er ei nyskrive musikkdramatisk framsyning av Reidun Horvei og Kathrine J. Hanson. Musikken er skrive av Inger-Kristine Riber, og Ragnhild M. Gudbrandsen medverkar som regissør.
Med Olav H. Hauges forfattarskap som grunnlag fremjer RIT interessa for Hauge sin forfattarskap og lyrikk gjennom fleire kunstuttrykk. RIT er forma som ein monolog som vekslar mellom resitasjon, forteljing og song. Komponist, tekstutviklar, musikarar og sceneinstruktør samarbeider tett i denne produksjonen om å utforska Hauge sitt draumelandskap. Målet er å føra publikum inn i tankar, kjensler og rom dei ikkje har gjesta tidlegare. Eit rom som freistar søkja lyden av det indre liv, der også stillheit er eit ynskje om endring. RIT teiknar ei utvikling med moment av humor, drama, angst, men også ei stillheit som byr på opnenheit, refleksjon, meditasjon og ei større oppleving av Hauge sin poesi.
Med Olav H. Hauges forfattarskap som grunnlag fremjer RIT interessa for Hauge sin forfattarskap og lyrikk gjennom fleire kunstuttrykk. RIT er forma som ein monolog som vekslar mellom resitasjon, forteljing og song. Komponist, tekstutviklar, musikarar og sceneinstruktør samarbeider tett i denne produksjonen om å utforska Hauge sitt draumelandskap. Målet er å føra publikum inn i tankar, kjensler og rom dei ikkje har gjesta tidlegare. Eit rom som freistar søkja lyden av det indre liv, der også stillheit er eit ynskje om endring. RIT teiknar ei utvikling med moment av humor, drama, angst, men også ei stillheit som byr på opnenheit, refleksjon, meditasjon og ei større oppleving av Hauge sin poesi.
Lengd:
20 min innleiing
60 min framsyning
20 min innleiing
60 min framsyning
MEDVERKANDE
REIDUN HORVEI
manus/songar/forteljar
Songaren Reidun Horvei har i ei årrekkje arbeidd som frilans sopran og folkesongar. Ho har hatt konsert turnéar over store deler av Noreg med særskilde program for Rikskonsertane innan klassisk musikk til ny musikk, vise og folkemusikk. Ho har fleire gonger vorte engasjert ved Festspela i Bergen, Hardingtonar, Hardanger Musikkfest og Osafestivalen. I utlandet har ho og turnért og medverka under mange festivalar på internasjonalt plan. På slutten av 70-talet vart ho kjend med Hauge sin diktnad og medverka som songar i fleire samanhengar med diktaren sjølv. Horvei har sidan 1992 vore tilsett som fylkesmusikar i Hordaland, og har i samband med dette gjennomført fleire produksjonar og publikasjonar.
INGER-KRISTINE RIBER
komponist/pianist
Pianist og komponist Inger-Kristine Riber utdanna ved Universitetet i Oslo, Norges Musikkhøgskole og Hochschule Für Musik, Theater und Medien Hannover (Tyskland). Etter avslutta utdanning vart ho tildelt ei utmerking av Norges Forskningsråd og det tyske oljeselskapet RWE- DEAD for å sikra vidare internasjonal kunstnerisk profesjonalisering. Dette leia fram til ei rekkje oppdrag i USA, Tyskland, Italia, Sveits, Storbritannia og Skandinavia. I tillegg til sine solostudium i klassisk piano og kammermusikk, har Riber også markert seg som komponist og kulturell entreprenør. Mykje av arbeidet hennar er farga av ein visjon om å skapa nye arenaer for klassisk musikk, og ho har leia fleire eigeninitierte prosjekt både på nasjonal og internasjonal arena.
KATHERINE J. HANSON
manus/innleiing
Kathrine Hanson tok si doktorgrad på Olav H. Hauge med avhandlinga “Nature Imagery in Olav H. Hauge’s Poetry” (Department of Scandinavian Languages and Literature, 1978). Artiklar ho har skrive om Hauges poesi er vorte trykt i Dikt og artiklar om dikt: til Olav H. Hauge på 70-års dagen (1978); Pacific Northwest Council on Foreign Languages, 29 (1978); Tunn is. Om Olav H. Hauges forfattarskap (1994); Nordica Bergensia (2001); Dictionary of Literary Biography, volume 297 (2004); Tid å hausta inn (2008).Hanson har vært redaktør av to antologiar: An Everyday Story. Norwegian Women’s Fiction (1984) og Echo. Scandinavian Stories about Girls (2000). Sammen med Judith Messick har ho omsatt fleire romanar av Amalie Skram til engelsk: Constance Ring, Under Observation (Professor Hieronimus og Paa Sct. Jørgen), Lucie, Fru Inés og Betrayed. Hanson har undervist på St. Olaf College, Pacific Lutheran University og seinast the University of Washington der ho er Affiliate Associate Professor.
RAGNHILD M. GUDBRANDSEN
regissør
Skodespelar og regissør Ragnhild M. Gudbrandsen er utdanna ved The Roy Hart Theatre i Sør-Frankrike, og har bakgrunn fra elevskulen ved Riksteatret/ Hordaland Teater i perioden 1989-1992. Ho er kjend både fra revy, teater, TV, film- og radioproduksjonar, i tillegg som regissør på ei rekkje oppsetjingar. Ragnhild mottok Pernille statuetten for sin sceneprestasjon i monologen Lilly Valentin og Måken 2013.
Ragnhild Gudbrandsen er ein mangfaldig kunstnar og har arbeidd med ulike teatersjangrar frå 18 års alderen. Ho er også utdanna innan figurteater i Frankrike. I tillegg til oppdrag i Noreg har ho hatt mange oppdrag i utlandet, mellom anna i Russland, Frankrike, Østerrike og England.
Ragnhild Gudbrandsen er ein mangfaldig kunstnar og har arbeidd med ulike teatersjangrar frå 18 års alderen. Ho er også utdanna innan figurteater i Frankrike. I tillegg til oppdrag i Noreg har ho hatt mange oppdrag i utlandet, mellom anna i Russland, Frankrike, Østerrike og England.
